خیبر پختونخوا کے محکمہ اینٹی کرپشن نے انصاف ڈاکٹرز فورم سے وابستہ ڈاکٹرز کے خلاف جاری کارروائیاں فوری طور پر روکنے اور جاری شدہ نوٹسز معطل کرنے کا فیصلہ کر لیا ہے۔
محکمہ اینٹی کرپشن کے ذرائع کے مطابق چند افسران نے مجاز حکام کی منظوری کے بغیر ہی بعض ڈاکٹرز کو نوٹسز جاری کیے تھے۔ یہ کارروائی اُس وقت عمل میں آئی جب صوبے میں انتقالِ اقتدار کا عمل جاری تھا۔
ذرائع کے مطابق نوٹسز بنیادی قانونی تقاضے پورے کیے بغیر جاری کیے گئے تھے، جنہیں اب واپس لینے کا فیصلہ کیا گیا ہے۔
ڈائریکٹوریٹ آف اینٹی کرپشن سٹیبلشمنٹ نے اُن اہلکاروں سے تین روز میں وضاحت طلب کر لی ہے جنہوں نے یہ نوٹسز جاری کیے تھے۔
