اسلام آباد:
ملک بھر میں انسدادِ اسمگلنگ کارروائیوں کے دوران 12 کروڑ 36 لاکھ روپے سے زائد مالیت کی منشیات برآمد کر لی گئیں، جبکہ افغان شہری اور ایک خاتون سمیت 9 ملزمان کو گرفتار کیا گیا ہے۔
ترجمان اینٹی نارکوٹکس فورس (اے این ایف) کے مطابق، تعلیمی اداروں کے اطراف اور مختلف شہروں میں منشیات اسمگلنگ کے خلاف کریک ڈاؤن جاری ہے۔
🎓 تعلیمی اداروں کے قریب کارروائیاں:
چناب ٹول پلازہ، گجرات کے قریب ایک خاتون کے قبضے سے 4.32 کلو ہیروئن اور 400 گرام آئس برآمد ہوئی۔
اسی طرح اٹک کے علاقے فاروق اعظم کالونی میں یونیورسٹی کے قریب ایک موٹر سائیکل سوار سے 600 گرام چرس برآمد کی گئی۔
گرفتار ملزمان نے دورانِ تفتیش طلبہ کو منشیات فروخت کرنے کا اعتراف کیا۔
🚨 دیگر کارروائیاں:
- جناح ایئرپورٹ کراچی: ریاض جانے والے مسافر کے مٹھائی کے ڈبوں سے 13,000 زینیکس گولیاں (وزن 1.99 کلوگرام) برآمد۔
- طارق روڈ کراچی: برطانیہ بھیجے جانے والے پارسل سے 1.62 کلو ہیروئن برآمد۔
- لاہور: عامر ٹاؤن کوریئر آفس میں آسٹریلیا بھیجے جانے والے پارسل سے 990 گرام آئس برآمد، جو کپڑوں میں بھگو کر جوتوں میں چھپائی گئی تھی۔
- چکلالہ گیریژن راولپنڈی: امریکا سے آئے کھلونوں میں 14 گرام ویڈ برآمد۔
- کامرہ روڈ اٹک: گاڑی سے 2.59 کلو ہیروئن، 2.1 کلو آئس برآمد، افغان باشندہ سمیت دو گرفتار۔
- تھاکوٹ، ہزارہ ایکسپریس وے: گاڑی سے 14.4 کلو چرس برآمد، دو گرفتار۔
- لک پاس، کوئٹہ: گاڑی سے 5 کلو آئس برآمد، دو گرفتار۔
- ہزارگنجی، کوئٹہ: ویسٹرن بائی پاس کے قریب 86 کلو ہیروئن اور 80 کلو چرس برآمد۔
ترجمان کے مطابق، تمام کارروائیاں انسدادِ منشیات ایکٹ 1997 کے تحت کی گئیں اور مقدمات درج کرکے تحقیقات شروع کر دی گئی ہیں۔
