خرلاچی بارڈر پر پاک افغان جرگہ، تجارت اور صحت میں تعاون پر اتفاق

 خرلاچی بارڈر ٹرمینل پر پاک فوج کے تعاون سے پاک افغان سرحدی جرگہ منعقد ہوا جس میں مختلف شعبوں میں تعاون جاری رکھنے پر اتفاق کیا گیا ۔
جرگہ کے دوران دونوں ممالک کے عمائدین، مشران، اور تاجروں نے باہمی دلچسپی کے امور پر تبادلہ خیال کیا ، افغان وفد نے خرلاچی بارڈر ٹرمینل پرموجود پاک افغان بھائی چارہ ہسپتال کا دورہ کیا اور فراہم کردہ طبی سہولیات پر اطمینان کا اظہار کیا ۔
وفد نے کہا کہ پاک افغان بھائی چارہ ہسپتال افغان شہریوں کے لئے پاکستان کی طرف سے انسانی ہمدردی کی عمدہ مثال ہے ۔
جرگے میں دونوں ہمسایہ ممالک کے درمیان خیرسگالی اور عملی تعاون کو فروغ دینے پر زور دیا گیا ۔
دونوں فریقین نے تجارت، صحت اور انفراسٹرکچر کے شعبوں میں تعاون جاری رکھنے پر اتفاق کیا ۔